ecostore CEO Pablo Kraus

為 B 驕傲:ecostore 正式成為 B 型企業

ecostore 唔只係關注財務上嘅業績,品牌嘅核心價值係為咗令世界變得更安全,將大家嘅健康放喺首位,為大家提供不含有害化學物質嘅產品選擇。 當地球嘅未來同人類嘅健康比過往任何時候都更加危險時,我哋意識到品牌需要做更多嘅事情。因此,我哋好高興宣佈,喺 2021 年 8 月,ecostore 已經為我哋喺澳洲嘅業務獲得咗嚴格嘅 B型企業認證。 B型企業係一啲致力減少社會不平等、降低貧困水平、打造更健康環境,以及創造更多有意義嘅高質量工作機會嘅企業。我哋嘅總裁Pablo Kraus 分享咗成為 B型企業對品牌嘅意義,同埋呢個認證對顧客嘅重要性。   獲得 B型企業認證點樣同ecostore嘅企業目的保持一致?   ecostore 嘅企業目的係令世界變得更安全,由每一個人、每一個家庭做起。呢個同成為 B型企業 係相當一致嘅,因為我哋利用我哋嘅資源令世界變得更美好。   點解要成為 B型企業?   B型企業嘅吸引之處,就好似ecostore一樣,佢嘅目的係關愛人類同地球,無論係現在定係未來。 B型企業係企業(而唔係個人或者慈善機構),而呢啲企業將業務嘅基礎建立喺關注環境、社區同埋員工嘅文化之上。成為 B型企業就係利用我哋作為企業擁有嘅金錢、人力同埋關係去幫助世界變得更美好,係我哋一直奮鬥緊嘅事。   眾所周知,要拎到B型企業認證係極具有挑戰性。你可唔可以分享一下呢個過程?   呢個係一個好長嘅過程!首先,我哋檢查 B 型企業影響評估 (BIA) 中嘅每個問題,以了解我哋嘅得分方面嘅情況。呢個係一個巨大嘅學習過程,幫助我哋理解乜嘢係 B型企業以及佢嘅框架點樣同ecostore保持一致。其次,我哋必須決定呢個係我哋想要參與嘅事,然後指派一組同事去負責整個過程。佢哋花咗一年幾嘅時間同公司各個方面嘅團隊合作,通過喺所有BIA嘅影響領域中獲得至少 80分去獲得 B型企業認證。   B 型企業認證過程有冇揭示咗業務中令你感到驚訝嘅事?ecostore喺邊啲方面做得比你預期嘅好同埋差?   比預期好:我哋實踐具包容性嘅招聘,因為我哋希望ecostore成為大家工作嘅好地方,但對於認證,我哋必須實際衡量呢啲實踐嘅影響。得知我哋喺聘用女性作為管理層(超過一半)​​、年齡多樣性(超過 30% 嘅員工年齡喺 24 歲以下或者超過 50 歲),同埋聘用少數族裔作為管理層(超過 30% )。   比預期差:評估環境部分顯示,雖然我哋嘅水足跡很好,但確實有空間改進。呢個激發咗我哋研究現場再造並利用廢水以進一步減少消耗嘅解決方案。   …

為 B 驕傲:ecostore 正式成為 B 型企業 Read More »

ecostore kitchen cleaner

秋天:大掃除 2.0

今時今日,我哋大多數人都花多咗時間喺屋企,因此確保我哋嘅空間乾淨,絕對成為大家嘅重要任務之一。 農曆新年同埋春天到嘅時候,大家都會非常熱衷打掃,一切都係為咗迎接夏天嘅來臨。 但無論任何時候,我哋都應該保持屋企安全同舒適,我哋認為秋天係清理雜物並且徹底清潔屋企嘅好時機。以下有一啲你可能想要添加到秋季大掃除待辦清單嘅事項。喺努力過後,你就可以喺冬天來臨時,享受一個清新、整潔嘅空間。 所以帶上手套,同小朋友一齊打掃!   寬敞嘅冰箱 為冰箱解凍係一件好事。仲係一個好好嘅機會檢查、食或者丟一啲擺放咗好耐嘅嘢。被冰塊堵塞嘅冰箱除咗減少可用嘅空間,仲會堵塞通風口,浪費電力。只要輕輕地解凍,將一碗熱水放喺冰箱內,用毛巾墊住。唔好用刀或者利器去剷雪,因為咁樣可能會損壞雪櫃或者冷卻元件。   閃閃發光嘅窗戶 落雨、晾衣服、就算簡單嘅呼吸 — 任何空氣中嘅水分都會導致窗同埋窗周圍發霉。首先用吸塵機除塵同埋吸走蜘蛛網,再喺濕布上用少量 ecostore多用途清潔劑,擦下窗台同框架。然後再噴上少少水清潔玻璃。 對於佈滿灰塵嘅窗簾,請用微濕嘅超細纖維布或者一副可以放入洗衣機嘅濕棉手套。對於百葉窗簾,可以將布包喺廚房鉗子嘅每個臂上,用橡筋固定,然後喺每一條簾之間移動捲走灰塵。 提示:對於無條紋嘅窗戶,一隻手拎住一塊布,另一隻手拎住 ecostore玻璃清潔劑,快速咁清潔就可以。   趕走灰塵 雖然我哋通常都會定期吸走地板嘅塵,但灰塵會積聚喺層架、牆板表面以及家具後面。喺秋季大掃除時,使用刷嘴(如果你嘅吸塵機有呢個附件),深入每一個角落去吸。寵物嘅床有好多毛?使用真空吸塵機(最好用 HEPA 高效濾網),然後使用粘性滾筒,然後清洗寵物床。如果某件物品唔再有用或者唔再令你開心—你可以將佢贈送、出售或者捐比慈善機構。   坐得更清潔 喺冬天我哋好多時都會懶洋洋咁訓喺梳化上攤抖,所以秋天就係整理柔軟家具同用具嘅好時機。小心咁用吸塵器將塵吸走,並清洗所有可拆卸嘅梳化墊套,以及床或餐椅上嘅枕頭墊套。使用溫同嘅洗衣液(例如我哋嘅 尤加利羊毛及精緻衣物洗衣液)並風乾。   安心睡覺 講到睡房,陽光明媚嘅秋天係比床褥通風嘅好時機,拎開所有嘅床上用品,打開睡房嘅窗。檢查製造商嘅建議,了解你嘅床褥需要幾耐反轉一次。今時今日大多數床褥並冇可翻轉嘅設計,但你可以將床褥上下掉轉。清潔床單同被幾時都係個好主意。如果你喺夏天同冬天有用唔同嘅被,請記得喺收起夏天張被前將佢通風。  

ecostore harcare bars

洗髮皂 5 大好處

無論追求簡單定係想提高環保意識,當講到洗頭髮時,我哋似乎又再次將焦點放喺香梘上。 Kantar 英國消費者研究顯示,2019 年固體肥皂銷售額增長咗 4%,英國人喺香皂上嘅支出接近 7000 萬英鎊。減少塑料垃圾嘅意識提高 – 並認為係消費者減少購買樽裝產品嘅原因。70% 嘅受訪者表示,"sustainability 可持續性"係一個主要嘅考慮因素。 越來越多人 — 包括各種頭髮類型 — 都支持洗髮皂,因為佢哋有益於頭髮,又有益於環境。以下係使用佢哋嘅5大好處:   無塑料包裝 一個可怕嘅事實:人類每年製造 2.6 億噸塑料。由於大部分塑料無法被回收循環再造,因此塑料污染已經成為 21 世紀最大嘅環境挑戰之一。隨住消費者越來越意識到購買行為對地球嘅影響,改用洗髮皂係減少垃圾嘅一個簡單改變。   成分溫和 優質洗髮皂實際上唔包含肥皂成分,具有平衡嘅 pH 值,亦唔包含主流液體洗髮水中使用嘅一啲對頭髮冇益嘅洗滌劑,例如十二烷基硫酸鈉。呢啲成分的確係可以清潔,但同時亦都會去除頭皮嘅天然油脂,令頭皮同頭髮乾燥捲曲。溫和嘅固體洗髮皂不單止可以清潔頭髮,感覺柔軟。一旦頭髮適應咗呢款產品,好多人發現使用洗髮皂後佢哋亦減少咗護髮素嘅使用量。   使用方便 雖然使用起上嚟同液體洗頭水唔同,但一旦你習慣咗用洗髮皂,佢哋就好似一塊肥皂一樣咁易使用。淋浴時唔需要將一樽二樽左擺右擺。   旅行易於攜帶 仲記得我哋曾經可以去旅行嘛?我哋好快嘅將來亦都會再次可以四出旅遊。並且做更好嘅準備 — 輕身、易攜帶而且唔易碎嘅固體洗髮產品。由其係乘坐飛機,固體洗髮皂比樽裝嘅方便得多。   用完再用 洗髮皂嘅使用時間往往比樽裝嘅長,因此你可以唔駛補貨補得咁頻密。由於 ecostore洗髮皂入面嘅清潔同滋養成分係超濃縮,一個洗髮皂大約可以用 60 次。你可能會發現,因為佢哋唔會去除頭髮嘅天然油脂,因此佢哋唔會產生更多油脂而導致頭皮反應過度,換言之,你並唔需要經常洗頭。   你準備好同樽裝洗頭水分手,而比洗髮皂一個機會嘛?有啲人始終係鍾意用液體產品,但係如果你對洗髮皂好好奇,而家似乎係嘗試嘅好機會。因為,就像生活中嘅大多數事情一樣,「固態」似乎都係比較可靠!😉

ecostore dishwasher powder

最環保洗碗方法

自從 1850 年發明洗碗機以嚟,大家一直都喺度爭論究竟邊個洗碗比較好 – 到底係人類還定係機器呢?對一啲人嚟說,自動洗碗機對於我哋同地球嚟講,係一種昂貴、奢侈又唔係必要嘅物品。到底使用洗碗機洗碗係咪真係比比用手洗更好呢?   洗碗機興起 根據大多數研究,現代洗碗機比用手洗更快、更衛生、更環保。今時今日,洗碗機嘅運行成本已經大大降低,亦可以更有效率地使用水同能源。要使用更少嘅水並清洗整個洗碗機一樣多嘅碗碟,你唔可以開水龍頭超過兩分鐘,基本上係冇可能做到。 講到衛生,邊個出類拔萃?洗碗機可以向碗碟噴射 60°C 以上嘅高度針對性嘅水射流,呢個係我哋人手冇辦法(也唔應該)處理嘅。即使係用上石棉手套,都唔能夠比 60-65˚C 洗碗機循環同自動洗碗機粉末相結合嘅細菌破壞力好。   預先沖洗? 但係我哋仍然需要通過快速預先沖洗嚟幫助洗碗機嘛?就節省能源同水而言,最壞嘅主意似乎係喺熱水龍頭下預洗碗碟,然後將它們放入古老低效嘅洗碗機度洗。 好多現代洗碗機都置有污漬傳感器,取決於你嘅餐具有幾污糟而洗多或少。只要你選擇專為自動洗碗機製造嘅洗碗液或者洗碗粉,咁樣你只需喺將碗碟放入洗碗機之前刮走食物殘渣就足夠喇。 事實上,預先沖洗碗碟一年可能會浪費一個家庭超過 22,000 升嘅水。更加唔好講用熱水所需要嘅電或者媒氣喇。EECA 發言人 Marcos Pelenur 博士建議:「如果你擁有一台洗碗機,將佢載滿碗碟後先開行, 並進行 ‘eco’ 洗滌設置。」” 如果你想更換或開始使用洗碗機,仲有更好嘅消息。自從 2002 年 EECA 開始公佈洗碗機銷售同效率數據以嚟,洗碗機嘅能效已經大大提高 – 年均能源耗用由 369 下降到241千瓦時,4星及以上機型佔嘅比率則從2002年嘅零增長到2020年嘅25%。   冇洗碗機,咁點算? 當然,呢一切都要靠有一台洗碗機,要花錢,亦需要空間,仲要喺運輸同安裝過程中消耗資源。你亦都可能正在租屋,業主未必都肯買部洗碗機。 考慮到呢一點,手洗碗碟仍然有生態效益。究竟點樣可以手洗碗碟之餘又可能節省資源同洗得乾淨呢?最好嘅答案可能係使用「兩盆法」。如果你有兩個洗水盤或者普通膠盤,首先將碗碟上嘅食物刮走。然後喺大嗰個注入熱水同噴幾下植物性洗碗液,將較小嗰個只係注入熱嘅水。 將污糟碗碟喺大盤水中浸泡幾分鐘,然後擦洗,從比較冇咁污糟嘅碗碟開始,例如玻璃器皿等,最係先同鍋同烤盤。喺細盤嘅水度沖洗碗碟,然後喺空氣流通嘅碗碟架上晾乾。你只需要喺可能有斑點或生鏽嘅碗碟上用毛巾去抹下。   節省最寶貴嘅資源—時間 美國能源之星計劃表明,將你嘅日常洗碗工作交給洗碗機一年可以節省你大約 230 小時,即係幾乎 10 日。慳埋嗰十日用嚟做乜?種下花草?探下朋友?或者終於有時間睇下書……   洗碗機堆疊須知 我哋同研發團隊傾過,佢哋提出一啲令你嘅洗碗機更高效嘅 tips。 將杯、玻璃杯同小碗放喺頂架上,但唔要過度擁擠,以減少破損嘅機會並防止水流阻塞。洗碗機安全塑料放喺頂架上,遠離加熱元件。 大件嘅物品—比如盤同埋砧板就放喺下層架度,朝向背面同側面,咁樣佢哋就唔會擋住洗碗機噴霧口。而鑊同鍋就朝下靠近底部噴霧臂。 將叉同匙放喺餐具籃中,手柄末端朝下。鋒利嘅刀具 …

最環保洗碗方法 Read More »

ecostore founders Melanie and Malcolm Rands

訪問ecostore 之母:創始人梅蘭妮·蘭德斯 (Melanie Rands)

母親節特輯:訪問ecostore 之母   為咗慶祝母親節,我哋同ecostore之母Melanie Rands做咗一個訪問。Melanie喺1993年同丈夫Malcolm Rands共同創立咗呢家公司。Melanie同我哋分享咗佢不尋常嘅商業故事,同埋佢點樣做到生活平衡,以及佢最愛嘅ecostore產品。 早喺1985年,年輕又充滿理想主義嘅夫婦知道佢哋想創造一個更美好嘅世界。佢同一班朋友一齊尋找一個地方,想去建立一個環保社區。終於搵到一片價格合理嘅土地,但係農田無法耕種。Melanie嚟自太平洋嘅一個大家庭,願意喺繁忙嘅社區生活。佢哋無懼冒險同挑戰,幾年後就成立 ecostore。 喺呢段時間裡, Melanie係一名學校老師,同時都投入當地嘅藝術界同婦女節。對喺一個生活喺農村地區、建立生態村同 ecostore嘅年輕媽媽嚟講,同時擔當妻子、媽媽同企業家,確實面對唔少挑戰。 「作為父母,我哋都決定做兼職工作增加收入。我哋會工作,亦都會花時間陪伴小朋友。我哋兩個真正地分享非常重要價值觀。我哋意識到,為咗更多參與小朋友嘅生活,我哋必須要犧牲一啲嘢。」 雖然生態村冇電,但係兩夫婦花咗一個夏天嘅時間同女兒一齊建造咗生態村。佢哋有一個大菜園,冇貸款,而且兩個都有做兼職工作,於是佢哋能夠度過難關。 呢對夫妻分擔咗養育孩子、經營ecostore同興建房屋嘅責任。 「當我工作時,Malcolm會帶小朋友去遊樂中心。之後佢會喺屋企度自製麵團,然後佢會將麵包去同人交換其他嘢。喺某種程度上,咁樣迫使我哋脫離咗性別規定嘅角色。我亦都會分擔養育同烹飪嘅部分。呢啲都係必須嘅。」 除咗養育孩子之外,Melanie對佢同Malcolm創立嘅公司感到最為自豪。佢哋共同嘅價值觀令兩個人為一齊向目標努力。從第一日起,ecostore嘅理念就係:令大家可以輕鬆、方便、開心地為家庭健康同自然環境做出正面嘅影響。 「我哋製造咗我哋相信產品:我哋相信製造嘅原因,我哋亦相信產品本身。近年,大家對於環保問題嘅意識已經大大提高,加上都開始選擇更多天然產品以取代商業產品,我為呢啲事感到好驕傲。我哋挑戰傳統做生意嘅想法,唔想做一般業務。我哋想成為一個道德企業,擁有穩健實在嘅價值觀。」   Melanie最愛嘅 ecostore 產品   我鍾意檸檬草洗手液,佢性質溫和。加上近期來因為COVID,我哋每日都要洗手好多次。因此,使用唔會喺皮膚上剝去天然油脂嘅產品好重要。檸檬草亦係我喺花園入面最鍾意嘅植物之一。我特別鍾意新鮮嘅檸檬草混合新鮮嘅生薑,沖成好香嘅茶。 喺紐西蘭北部,大風同強烈嘅日光對皮膚做成衝擊,所以我喺長期袋住潤唇膏,我最鍾意蜂蠟潤唇膏。 我同Malcolm而家已經搬返去我哋一手一腳建立嘅生態村,我最鍾意嘅時間就係傍晚。我鍾意帶小狗Lewa喺沙灘上散步同喺海度游水。當我哋返到屋企嘅時候,我喺戶外浴缸度沖個涼,又會喺水中度加一啲鎂鹽,幫助放鬆疲倦嘅肌肉。我有一個經常使用嘅特殊平紋細布面巾(係ecostore 日本嘅團隊送比我嘅)。 呢度嘅水非常珍貴,因此Malcolm通常喺我沖涼之後用同一缸水沖涼,呢個係我鍾意使用ecostore香梘嘅原因之一。因為我唔需要使用太多香梘,可以保持水嘅清潔。我最鍾意嘅係玫瑰杏仁油味。我鍾意佢嘅滑膩感、顏色同埋芬芳嘅香氣。沖涼對我嚟講係一種儀式,我會花時間望下天空,聽下雀仔吱吱咁喺竹林裡面叫。 沖涼後,我會用 ecostore嘅玫瑰同天竺葵潤膚露嚟幫助保護同滋潤肌膚。之後我就會去花園同屋嘅周圍打理一下,再煮飯同休息。 我愛上咗香橙百里香多功能廚房清潔劑。每日喺廚房度用佢嚟抹飯檯、不銹鋼檯、爐灶同埋瓷磚牆。我鍾意用花園裡面嘅新鮮百里香,特別鍾意佢新鮮同乾淨嘅草藥味。 我哋嘅浴池會將水排入我哋自己嘅灰水系統,因此我哋對喺浴池度使用嘅產品非常小心。我通常會為浴快速清潔,同埋用ecostore檸檬去污劑沖洗。我鍾意喺浴室每一個角落都使用同一種產品:喺洗手盆、水龍頭、瓷磚同拋光混凝土上,極之方便。   Melanie嘅母親節致辭   「我認為作為父母,我哋都會盡自己最大嘅努力,一定要記住呢一點,同對自己寬容啲。如果你對自己仁慈,咁樣其實可以幫助到你成為好父母。當你承受壓力同掙扎時,感覺自己做得唔夠好,咁煩惱就會愈滾愈大。盡心盡力,就問心無愧。」

ecostore founders Melanie and Malcolm Rands

Interview with our own eco-mama, co-founder Melanie Rands

Mother’s Day – with our own eco-mama   To help us celebrate all the amazing mums this Mother’s Day, we spoke to ecostore’s original eco-mama, Melanie Rands. Melanie started the company back in 1993 with her husband ‘ecoman’ Malcolm. Melanie kindly shared with us her unconventional business story, how she achieves balance in her life, …

Interview with our own eco-mama, co-founder Melanie Rands Read More »

en_NZEnglish (New Zealand)

Stay in touch