Home

ecostore kitchen cleaner

秋天:大掃除 2.0

今時今日,我哋大多數人都花多咗時間喺屋企,因此確保我哋嘅空間乾淨,絕對成為大家嘅重要任務之一。 農曆新年同埋春天到嘅時候,大家都會非常熱衷打掃,一切都係為咗迎接夏天嘅來臨。 但無論任何時候,我哋都應該保持屋企安全同舒適,我哋認為秋天係清理雜物並且徹底清潔屋企嘅好時機。以下有一啲你可能想要添加到秋季大掃除待辦清單嘅事項。喺努力過後,你就可以喺冬天來臨時,享受一個清新、整潔嘅空間。 所以帶上手套,同小朋友一齊打掃!   寬敞嘅冰箱 為冰箱解凍係一件好事。仲係一個好好嘅機會檢查、食或者丟一啲擺放咗好耐嘅嘢。被冰塊堵塞嘅冰箱除咗減少可用嘅空間,仲會堵塞通風口,浪費電力。只要輕輕地解凍,將一碗熱水放喺冰箱內,用毛巾墊住。唔好用刀或者利器去剷雪,因為咁樣可能會損壞雪櫃或者冷卻元件。   閃閃發光嘅窗戶 落雨、晾衣服、就算簡單嘅呼吸 — 任何空氣中嘅水分都會導致窗同埋窗周圍發霉。首先用吸塵機除塵同埋吸走蜘蛛網,再喺濕布上用少量 ecostore多用途清潔劑,擦下窗台同框架。然後再噴上少少水清潔玻璃。 對於佈滿灰塵嘅窗簾,請用微濕嘅超細纖維布或者一副可以放入洗衣機嘅濕棉手套。對於百葉窗簾,可以將布包喺廚房鉗子嘅每個臂上,用橡筋固定,然後喺每一條簾之間移動捲走灰塵。 提示:對於無條紋嘅窗戶,一隻手拎住一塊布,另一隻手拎住 ecostore玻璃清潔劑,快速咁清潔就可以。   趕走灰塵 雖然我哋通常都會定期吸走地板嘅塵,但灰塵會積聚喺層架、牆板表面以及家具後面。喺秋季大掃除時,使用刷嘴(如果你嘅吸塵機有呢個附件),深入每一個角落去吸。寵物嘅床有好多毛?使用真空吸塵機(最好用 HEPA 高效濾網),然後使用粘性滾筒,然後清洗寵物床。如果某件物品唔再有用或者唔再令你開心—你可以將佢贈送、出售或者捐比慈善機構。   坐得更清潔 喺冬天我哋好多時都會懶洋洋咁訓喺梳化上攤抖,所以秋天就係整理柔軟家具同用具嘅好時機。小心咁用吸塵器將塵吸走,並清洗所有可拆卸嘅梳化墊套,以及床或餐椅上嘅枕頭墊套。使用溫同嘅洗衣液(例如我哋嘅 尤加利羊毛及精緻衣物洗衣液)並風乾。   安心睡覺 講到睡房,陽光明媚嘅秋天係比床褥通風嘅好時機,拎開所有嘅床上用品,打開睡房嘅窗。檢查製造商嘅建議,了解你嘅床褥需要幾耐反轉一次。今時今日大多數床褥並冇可翻轉嘅設計,但你可以將床褥上下掉轉。清潔床單同被幾時都係個好主意。如果你喺夏天同冬天有用唔同嘅被,請記得喺收起夏天張被前將佢通風。  

ecostore dishwasher powder

最環保洗碗方法

自從 1850 年發明洗碗機以嚟,大家一直都喺度爭論究竟邊個洗碗比較好 – 到底係人類還定係機器呢?對一啲人嚟說,自動洗碗機對於我哋同地球嚟講,係一種昂貴、奢侈又唔係必要嘅物品。到底使用洗碗機洗碗係咪真係比比用手洗更好呢?   洗碗機興起 根據大多數研究,現代洗碗機比用手洗更快、更衛生、更環保。今時今日,洗碗機嘅運行成本已經大大降低,亦可以更有效率地使用水同能源。要使用更少嘅水並清洗整個洗碗機一樣多嘅碗碟,你唔可以開水龍頭超過兩分鐘,基本上係冇可能做到。 講到衛生,邊個出類拔萃?洗碗機可以向碗碟噴射 60°C 以上嘅高度針對性嘅水射流,呢個係我哋人手冇辦法(也唔應該)處理嘅。即使係用上石棉手套,都唔能夠比 60-65˚C 洗碗機循環同自動洗碗機粉末相結合嘅細菌破壞力好。   預先沖洗? 但係我哋仍然需要通過快速預先沖洗嚟幫助洗碗機嘛?就節省能源同水而言,最壞嘅主意似乎係喺熱水龍頭下預洗碗碟,然後將它們放入古老低效嘅洗碗機度洗。 好多現代洗碗機都置有污漬傳感器,取決於你嘅餐具有幾污糟而洗多或少。只要你選擇專為自動洗碗機製造嘅洗碗液或者洗碗粉,咁樣你只需喺將碗碟放入洗碗機之前刮走食物殘渣就足夠喇。 事實上,預先沖洗碗碟一年可能會浪費一個家庭超過 22,000 升嘅水。更加唔好講用熱水所需要嘅電或者媒氣喇。EECA 發言人 Marcos Pelenur 博士建議:「如果你擁有一台洗碗機,將佢載滿碗碟後先開行, 並進行 ‘eco’ 洗滌設置。」” 如果你想更換或開始使用洗碗機,仲有更好嘅消息。自從 2002 年 EECA 開始公佈洗碗機銷售同效率數據以嚟,洗碗機嘅能效已經大大提高 – 年均能源耗用由 369 下降到241千瓦時,4星及以上機型佔嘅比率則從2002年嘅零增長到2020年嘅25%。   冇洗碗機,咁點算? 當然,呢一切都要靠有一台洗碗機,要花錢,亦需要空間,仲要喺運輸同安裝過程中消耗資源。你亦都可能正在租屋,業主未必都肯買部洗碗機。 考慮到呢一點,手洗碗碟仍然有生態效益。究竟點樣可以手洗碗碟之餘又可能節省資源同洗得乾淨呢?最好嘅答案可能係使用「兩盆法」。如果你有兩個洗水盤或者普通膠盤,首先將碗碟上嘅食物刮走。然後喺大嗰個注入熱水同噴幾下植物性洗碗液,將較小嗰個只係注入熱嘅水。 將污糟碗碟喺大盤水中浸泡幾分鐘,然後擦洗,從比較冇咁污糟嘅碗碟開始,例如玻璃器皿等,最係先同鍋同烤盤。喺細盤嘅水度沖洗碗碟,然後喺空氣流通嘅碗碟架上晾乾。你只需要喺可能有斑點或生鏽嘅碗碟上用毛巾去抹下。   節省最寶貴嘅資源—時間 美國能源之星計劃表明,將你嘅日常洗碗工作交給洗碗機一年可以節省你大約 230 小時,即係幾乎 10 日。慳埋嗰十日用嚟做乜?種下花草?探下朋友?或者終於有時間睇下書……   洗碗機堆疊須知 我哋同研發團隊傾過,佢哋提出一啲令你嘅洗碗機更高效嘅 tips。 將杯、玻璃杯同小碗放喺頂架上,但唔要過度擁擠,以減少破損嘅機會並防止水流阻塞。洗碗機安全塑料放喺頂架上,遠離加熱元件。 大件嘅物品—比如盤同埋砧板就放喺下層架度,朝向背面同側面,咁樣佢哋就唔會擋住洗碗機噴霧口。而鑊同鍋就朝下靠近底部噴霧臂。 將叉同匙放喺餐具籃中,手柄末端朝下。鋒利嘅刀具 …

最環保洗碗方法 Read More »

Sleeping baby in Malabar Baby swaddle and ecostore baby oil

訪問 Malabar Baby 創辦人, Anjali Harjani

(Switch to English version)   Malabar Baby 係一個真實又親切嘅嬰兒/ 兒童床具同睡衣品牌,輕鬆融入現代家庭。每個系列嘅製作過程都好細緻,編織住一個個唔同嘅故事。香港媽媽兼品牌創辦人 Anjali Harjani 表示,佢好自豪,因為佢有機會同世界分享印度豐富嘅文化和手工傳承。Malabar Baby 幾乎係每個香港媽媽嘅嬰兒必備品,不論係佢哋著名嘅有機水彩嬰兒布定係手工製作嘅棉被,每件產品都需要7日去製成! 我哋好開心採訪到佢,因為佢係一個清洗同保養小朋友嘅衣物嘅專家!   Anjali:我曾經係一個一定要手洗所有 BB衫嘅媽媽。而且我永遠都提前好多去清洗所有嘢,由於我怕啲嘢會積塵,為咗我嘅仔仔 Aryan健康,我於是又將啲嘢重新洗過!經歷過嗰啲重複清洗嘅日子,我學到咗好多嘢,好慶幸能夠搵到 ecostore。   問:可唔可以同我哋分享一啲洗 BB衫嘅心得?   答:我其實唔鍾意手洗BB衣物。我嘅睇法係唔應該將有機織物同有天然染料嘅衣物長時間浸喺有刺激性嘅洗衣液入面。洗咗衫上嘅梘液後,衫仍然會浸住好多水,好多污糟嘢又會粘返喺衣物上面,咁樣實際上會造成皮膚過敏同初生BB嘅皮疹。又有另一個情況係,好多人會倒過多嘅洗衣液,令洗衣液中嘅化學物粘喺你小朋友嘅衣物度。最大件事嘅係,好多手工製品或者柔軟嘅天然棉喺用手粗暴地摩擦時會變質。雖然我唔鍾意手洗衣物,但係我絕對建議所有BB衣物始終要分開洗,唔好同家人其他衣物一齊洗。我最鍾意用嘅洗衣液係 ecostore嘅防敏感洗衣液。   問:你喺屋企用咩產品洗仔仔嘅衫?   答:我將所有嘢都放入洗衣機度,快洗,但係會確保洗得乾淨,所有細小衣物都會放喺網袋中。任何有拉鍊或裝飾物嘅嘢(例如睡袋)都反轉內而外洗。大約用1樽蓋嘅 ecostore防敏感洗衣液。我真係好鍾意呢款產品,因為佢冇香料和色素,對敏感肌膚超級安全。好多用我哋床上用品同睡衣嘅小朋友都有濕疹同皮膚過敏,所以如果有一款洗衣液同柔順劑係有效之餘又唔會刺激到皮膚,我就一定會極力推介。ecostore防敏感配方喺凍水同暖水入面都一樣洗得咁好,佢嘅去污力都通過咗我嘅測試!   問:點樣令衣物保持良好狀態?   答:洗完衫後要立即喺洗衣機度拎返出嚟。呢個係我保持衣物乾淨又唔甩色嘅關鍵。我將好多衣物同床上用品晾乾,或喺有必要時喺乾衣機度輕輕咁吹乾。衣物喺乾衣機度甩出好多棉同毛,其實咁係代表咗衣物破損。對於好多家庭嚟講,乾衣機係最秏電嘅電器之一,通過減少使用量,你可以大大減少碳足跡。我認為好多人仲未意識到,購買可再用產品 (sustainable products) 後,亦都應該要負起保養產品嘅責任,延展產品嘅壽命。日常生活中嘅小事實質上係好重要,我哋點樣洗衫同埋洗幾多次係有分別。當我最近睇到一項統計數據講,我哋平均要用860公升水去洗一條牛仔褲,我感到好驚訝。   問:你點樣睇ecostore產品?你試過邊種產品?你會唔會推薦比其他媽咪呢?   答:除咗我之前提到嘅洗衣液之外,我仲非常鍾意 ecostore BB按摩油。嬰兒按摩喺好多國家同文化中都係非常重要,尤其係我哋印度傳統,我由BB出生開始就同佢按摩。呢種油非常溫和,用植物成分製造,保濕作用一流。我亦都發現原來媽媽都可以一齊用!非礦物油對減退妊娠紋有好好嘅效果。呢款產品加入自然嘅薰衣草香味,喺BB過咗嬰兒期之後都可以繼續用。 而家我個仔大咗啲,佢好鍾意喺浴缸度玩水,佢最開心就係浸泡泡浴。我哋推介ecostore嘅 Kids Bubble Maker。質感真係好輕身,聞起嚟好香,又會出好多泡!我好放心比佢用呢款產品。因為我最驚嘅就係佢浸喺有化學物質踲水度,然後導致佢之後會出疹。 (圖片來源:@ the.reynolds.family)

Sleep baby with ecostore baby oil

Interview with Malabar Baby founder, Anjali Harjani

(閱讀中文版本)   Malabar Baby is an authentic and relatable lifestyle brand that integrates easily into today’s modern family. Every collection is slowly made and has a personal story weaved through and through. Hong Kong Mom and Founder, Anjali Harjani says, she feels “passionate and proud to have an opportunity to share India’s rich culture and …

Interview with Malabar Baby founder, Anjali Harjani Read More »

消毒梘液可以殺死病毒? | Does soap need to be antibacterial to kill a virus? |

洗手咁平常簡單嘅事,從未變得如此重要。呢個動作係我哋同COVID-19等冠狀病毒戰鬥嘅第一道防線。同口罩或者疫苗唔同,梘液係我哋大多數人都能負擔得起嘅東西。 一啲醫學界權威嘅機構,例如梅奧診所(Mayo Clinic),表示抗菌番梘同洗手液喺洗走COVID-19嚟講,唔一定比普通梘液更有效。疾病控制中心仲指出,酒精搓手液其實唔能夠有效對抗所有類型嘅細菌。從長遠嚟睇,普通梘液可能對我哋嘅健康更好。   梘液同水點樣打敗細菌   單獨使用水可以清除可見嘅污垢,但係病毒同細菌嘅微觀納米顆粒會卡喺我哋皺紋同指紋嘅縫隙中,呢個時候就要出動到洗手液喇。 所有洗手液(無論係液體,番梘定係泡沫洗水液),都係由“肥皂分子”組成。呢啲分子具有雙重性質:親水同疏水。當引入水中嘅時候,親水部分指向外部以同水結合,而疏水部分會避開水分,同油脂結合,將污垢同細菌捕獲喺稱為膠束嘅微小氣泡中。 COVID-19係一種冠狀病毒,意味住佢會被包裹喺油脂層中。想像一下,肥皂分子嘅拒水部分同佢嘅外層結合,拮穿入去,將病毒放氣。然後,肥皂將漏氣嘅病毒從皮膚中抽離,因此你可以將佢洗走。   用梘液同水獲得最佳結果   當你用洗手液起泡或者用番梘擦洗雙手至少20秒時,拒水部分會滲透到各種類型嘅病毒(包括冠狀病毒)中,而病毒通常有會有一層脂肪膜保護自己。 新西蘭政府嘅COVID-19網站建議使用特殊嘅洗手程序。包括擦洗手腕,手掌同手背,然後將手指交織喺一齊,用指尖搓手掌。令手嘅每個表面都起泡沫就係關鍵所在,泡沫會勾住病毒,然後可以將佢哋用水沖走。水嘅溫度唔太緊要,凍同暖都得。 好消息係,如果呢個方法,任何洗水液或者番梘都可以殺死冠狀病毒。但係如果你發現洗手後手變得乾澀者或過敏,請嘗試使用溫和嘅產品。用專門為敏感性皮膚而設計嘅無香料梘液。   用消毒搓手液同洗手液嘅危險   細菌與病毒完全唔同。標榜“抗菌”同 “消毒”嘅梘液,喺對抗COVID-19呢方面,佢哋其實冇比一般梘液優勝。消毒搓手液要喺酒精含量超過60%(對皮膚非常乾燥)嘅情況下先對病毒有效。而且,喺呢些藥劑中存活嘅任何細菌將來都可能進化到對抗菌產品產生抗藥性。 過量使用含有三氯生等成分嘅“抗菌”產品唔單止對身體具有潛在嘅危險,而且仲可以減少喺我哋皮膚同腸道中嘅益細菌。缺乏腸道菌群(又稱腸道微生物組)會引起好多其他疾病,包括糖尿病,關節炎,自身免疫性疾病以及過敏反應同敏感性增加。   Never before has humble hand washing emerged as such a hero. It’s our first line of defence in our battle against coronaviruses like COVID-19. And unlike masks, eye shields or vaccines, soap is …

消毒梘液可以殺死病毒? | Does soap need to be antibacterial to kill a virus? | Read More »

在家工作保持健康 | Staying well while you stay at home |

隨住好多公司實行 Working from home (WFH),我哋整個生活都變得唔再一樣。你可能係第一次喺屋企做嘢。ecostore 作為一個團隊,一直學習同實踐一啲保持健康嘅方法,幫助你喺照顧事業嘅同時亦照顧好自己。   設定規律 WFH 時要記住最重要嘅事係將工作同家庭分開。當你唔需要返公司時,工作嘅時間好容易用咗喺做屋企嘢上面,又或者掉轉頭用休息嘅時間去工作。 設定時間準時起身,嘗試保持有規律嘅睡眠時間表,起身嘅時候就好似平時返工一樣做好準備。 嘗試建立一個工作空間。除非你冇地方可以去,否則避免喺睡房同床做嘢。 由於你可能同另一半、室友、小朋友或者父母一齊住,因此搵到一個工作空間非常重要,以免被打擾。如果你有多餘嘅房,將佢變成工作窒,不妨喺房門上掛上 “請勿打擾” 標誌,以免工作時被滋擾。 好似喺公司一樣,比自己一個 lunch break。最好就係同平時放 lunch嘅時間一樣。 (唔好忘記手頭上準備一啲健康嘅零食呀!) 喺一日結束嘅時候熄咗個電腦,咁樣你就唔會心思思又想做嘢喇。 注意坐姿 如果你只係喺屋企做嘢一個月左右,咁可能唔需要專登買 home office 嘅傢俱。但係你都可以盡量令WFH工作區舒適又有足夠嘅支持。 盡量避免長時間喺梳化、地下或床度工作。 使用外接滑鼠同鍵盤,另外,你應該抬高部 laptop電腦,眉毛應該同屏幕頂部大致齊平。 確保你嘅檯(或者餐桌)嘅高度合適。打字時,前臂應該略略微向下傾斜。 如果你覺得將來都有機會再WFH,咁就值得投資去買張可以調節高度嘅凳。 當然係要經常坐直,呢個係同舒適冇關,但係會幫你保持工作嘅動力。 照顧健康 WFH 時,都要好好照顧自己。購買健康嘅零食,喺床頭櫃上擺啲書或者雜誌,或者喺一日結束時沖個熱水涼。 充分休息:適應WFH可能會使你嘅睡眠質素變得奇怪。喺屋企工作時,堅持好似平時咁起身同訓覺係保健嘅關鍵。 如果你今天冇 video call,點解唔敷個 mask或者幫頭髮焗個油呢? 做運動,伸展筋骨,即使只係10-15分鐘。唔單止可以令你感覺良好,仲可以提高精力同效率。做啲瑜伽、快步行去或者踩個單車,或者喺小朋友唔喺身邊嘅時候,快速咁上下跳。 心態調整 做以下幾樣嘢可以令到隔離嘅時間更加易過。請記住,最難捱嘅時間係會過去嘅。 混亂嘅工作空間會分散注意力,增加壓力水平。你可能冇時間執房,但盡量保持工作區周圍整潔,咁樣就唔使成日對住一大堆雜物喇。 寫一個 to-do list,可以防止你分心或者忽然間唔知做乜。將 to-do list 上一項項嘅工作刪去係一個好好嘅感覺! 將多出嚟嘅時間(因為我哋而家唔駛搭車返工放工),用嚟冥想或者諗正面嘅想法。安靜咁坐低,專注呼吸幾分鐘。  每日花幾分鐘時間打電話比其他人傾下計,保持同外界嘅溝通。或者分享下得意嘅 video。 嘗試限制你喺社交媒體上嘅時間,尤其係當你注意到社交媒體嘅資訊令你感到焦慮或者緊張時。 保持感恩嘅心。同你圈子入面嘅人傾下值得你感恩嘅事,或者喺訓覺前寫低。 …

在家工作保持健康 | Staying well while you stay at home | Read More »

6個可以令室內空氣更加清新嘅步驟 | 6 steps to better indoor air quality

我哋傾向認為空氣污染係外部發生嘅問題,車輛、工廠同火災會產生煙霧同陰霾。但係由於甲醛、阻燃劑以及常規清潔產品使用嘅香料揮發出化學物質,我哋屋內嘅空氣實際上可能對我哋嘅健康有害。一啲污染物亦會潛入新床墊,新漆層或者地毯度。室內空氣污染對哮喘、化學過敏症甚至癌症都有關。好多污染物嘅化學濃度可能遠高於室外水平。由於新建築物嘅氣密性越來越高,因此空中刺激物冇辦法逃離,呢個已經成為一個日益嚴重嘅問題。今時今日, 我哋亦都喺室內花更多嘅時間。室內空氣污染有多種原因。好多新產品會釋放出廢氣化學物品。你仲會喺混合物中搵到塵蟎、黴菌同寵物皮屑。小朋友、患有哮喘同濕疹嘅人,以及老人家或免疫力低嘅人士通常對室內污染物最敏感,其餘嘅我哋可能直到幾年後先知道自己身體受到影響。 考慮到以上種種,我哋已經整理咗六種簡單嘅方法來清除家中嘅空氣。 將地板打掃乾淨 使用帶有HEPA過濾器嘅吸塵器。強大嘅吸塵器同旋轉刷,可以減少塵蟎、花粉同寵物皮屑 – 並確保唔會通過廢氣釋放。你還可以減少其他毒素,例如溴化阻燃劑(PBDEs)。要特別注意人流量大嘅區域,包括牆壁、家具同室內裝飾。為咗得到最佳效果,每星期吸塵兩次並定期清潔或更換過濾器。用地拖把執起吸塵留低嘅灰塵。喺一桶暖水入面加入少量濃縮嘅植物清潔劑,用佢再擦下面,將清除掉真空中殘留嘅東西。化學物質會黏上你同你嘅寵物同客人。通過喺每個門上放置大嘅門墊,即使你(或寵物)冇刻意擦腳,你都可以減少進入房屋嘅灰塵同其他污染物。更好嘅係,請客人進入室內時除鞋。將拖鞋放喺門附近係個好主意 – 返屋企時就即刻著上去。對於疲倦嘅雙腳係值得開心嘅事。 令你嘅屋企成為無煙區 香煙中包含4000多種化學物質,呢個係造成室內空氣污染嘅重大原因。研究表明,二手煙會增加兒童發展呼吸道同耳朵感染、哮喘、癌症同嬰兒猝死綜合症(SIDS)嘅風險。請確保唔要喺屋內吸煙。如果你唔選擇戒煙,為咗你嘅家人,請嘗試只喺室外吸煙。 保持相當嘅濕度 儘管香港空氣潮濕,但如果可以嘅話,請令你嘅屋企保持乾燥。通過使用抽濕器機同冷氣,保持30%-50%嘅濕度有助於控制塵蟎同黴菌。冷氣仲可以減少室內花粉嘅數量,呢個對季節性花粉症患者有好處。 幸運嘅係,有好多簡單嘅方法可以減少屋企裡嘅水分。喺煮飯,沖涼或操作洗碗機時打開窗或者使用抽氣機。修復洩漏嘅水喉,以防止發霉。 如果可以,請定時清空抽濕機嘅滴水盤。唔好淋太多水落盆栽植物到 – 除咗可能殺死佢哋之外,仲會向空氣中引入更多嘅水分。 令你嘅屋企變溫室: 好似空氣淨化器一樣,室內植物嘅根同葉都被證明可以進行光合作用同吸收化學污染物。除此之外,悉尼科技大學發現室內植物可以顯著改善情緒,並減少焦慮、疲勞、憤怒同沮喪。 回想一下科學課,喺光合作用期間,植物吸收二氧化碳並釋放氧氣。某啲植物 – 包括多肉植物、蘭花、鳳梨科同蛇類植物 – 相反地會喺夜間釋放氧氣,佢哋就成為你睡房嘅最佳伴侶。植物仲會釋放出植物化學物質,為引起過敏嘅黴菌同細菌創造咗不利嘅生長環境。 虎尾蘭(蛇類植物)同巴西木從空氣中吸取咗諸如三氯乙烯同甲醛之類。 蘆薈喺晚上釋放氧氣並清除二氧化碳,非常適合臥室同其他光線較暗嘅房間。 龍血樹從空氣中吸入二甲苯,三氯乙烯同甲苯(已添加到汽油同洗甲水中嘅溶劑)。 榕樹係一款出色嘅全方位空氣淨化器。 非洲菊為房間增添咗色彩,並從空氣中清除各種化學物質,例如甲醛同苯。 白鹤芋巧妙地去除咗多種醇同化學蒸氣,包括丙酮,苯,氨,甲醛同二甲苯,並且確實能夠有效去除多種毒素。 根據美國國家航空航天局(NASA)嘅研究,吊蘭可以喺密封室內去除96%嘅一氧化碳同99%嘅二氧化氮。 提示:如果你有寵物或年幼嘅孩子,請確保盆栽植物冇毒性。    減少對香水嘅依賴 好多合成香料係從石油中提取嘅,並向空氣中散發出潛喺嘅有害化學物質。呢啲包括傳統嘅洗衣液、衣物柔順劑同空氣清新劑 – 標籤上唔一定會列出各種香精成分。我哋可以測試香水對皮膚嘅刺激性,但係唔能夠測試到喺吸入後對健康嘅影響。香料中常用嘅化學物質,例如鄰苯二甲酸二乙酯,苯同醛,都係已知嘅致癌物。例如,已證明鄰苯二甲酸鹽會破壞動物體內嘅激素。好消息係,你可以輕鬆地避免使用呢啲化學物質。 尋找列出香水成分嘅品牌。 尋找不含香料嘅產品(針對過敏症患者),或用天然精油嘅香料。 使用少啲清潔產品。 避免使用氣溶膠產品:包括噴髮膠、除臭劑、空氣清新劑、地毯清潔劑等。 時常打開窗,防止屋內積聚有毒化學物質。如果屋企中有人對花粉過敏,請使用過濾式空調系統。    追求簡單自然 香水可能會導致過敏嘅人士敏感,引起頭暈、頭痛同噁心等反應。留意坊間上只有某些品牌(包括ecostore)會公開其清潔產品中嘅所有成分。我哋喺大多數產品中都使用由柑橘、尤加利、薰衣草同廣藿香等植物中提取嘅精油,比石油化工合成香料更安全,亦係可持續發展嘅替代品。但係呢啲仍然會引起一些敏感人士嘅反應。因此,我哋喺標籤上寫咗產品中嘅任何潛在過敏原,並建議,如果你喺屋企使用嘅任何產品之後身體出現反應,請立即停止使用。如果你屋企有人甚至對天然香料都敏感,請考慮使用我哋無香料系列進行清潔同個人護理。   We tend to think that air pollution is something that happens …

6個可以令室內空氣更加清新嘅步驟 | 6 steps to better indoor air quality Read More »

zh_HK香港中文版

Stay in touch