Personal Care

ecostore harcare bars

洗髮皂 5 大好處

無論追求簡單定係想提高環保意識,當講到洗頭髮時,我哋似乎又再次將焦點放喺香梘上。 Kantar 英國消費者研究顯示,2019 年固體肥皂銷售額增長咗 4%,英國人喺香皂上嘅支出接近 7000 萬英鎊。減少塑料垃圾嘅意識提高 – 並認為係消費者減少購買樽裝產品嘅原因。70% 嘅受訪者表示,"sustainability 可持續性"係一個主要嘅考慮因素。 越來越多人 — 包括各種頭髮類型 — 都支持洗髮皂,因為佢哋有益於頭髮,又有益於環境。以下係使用佢哋嘅5大好處:   無塑料包裝 一個可怕嘅事實:人類每年製造 2.6 億噸塑料。由於大部分塑料無法被回收循環再造,因此塑料污染已經成為 21 世紀最大嘅環境挑戰之一。隨住消費者越來越意識到購買行為對地球嘅影響,改用洗髮皂係減少垃圾嘅一個簡單改變。   成分溫和 優質洗髮皂實際上唔包含肥皂成分,具有平衡嘅 pH 值,亦唔包含主流液體洗髮水中使用嘅一啲對頭髮冇益嘅洗滌劑,例如十二烷基硫酸鈉。呢啲成分的確係可以清潔,但同時亦都會去除頭皮嘅天然油脂,令頭皮同頭髮乾燥捲曲。溫和嘅固體洗髮皂不單止可以清潔頭髮,感覺柔軟。一旦頭髮適應咗呢款產品,好多人發現使用洗髮皂後佢哋亦減少咗護髮素嘅使用量。   使用方便 雖然使用起上嚟同液體洗頭水唔同,但一旦你習慣咗用洗髮皂,佢哋就好似一塊肥皂一樣咁易使用。淋浴時唔需要將一樽二樽左擺右擺。   旅行易於攜帶 仲記得我哋曾經可以去旅行嘛?我哋好快嘅將來亦都會再次可以四出旅遊。並且做更好嘅準備 — 輕身、易攜帶而且唔易碎嘅固體洗髮產品。由其係乘坐飛機,固體洗髮皂比樽裝嘅方便得多。   用完再用 洗髮皂嘅使用時間往往比樽裝嘅長,因此你可以唔駛補貨補得咁頻密。由於 ecostore洗髮皂入面嘅清潔同滋養成分係超濃縮,一個洗髮皂大約可以用 60 次。你可能會發現,因為佢哋唔會去除頭髮嘅天然油脂,因此佢哋唔會產生更多油脂而導致頭皮反應過度,換言之,你並唔需要經常洗頭。   你準備好同樽裝洗頭水分手,而比洗髮皂一個機會嘛?有啲人始終係鍾意用液體產品,但係如果你對洗髮皂好好奇,而家似乎係嘗試嘅好機會。因為,就像生活中嘅大多數事情一樣,「固態」似乎都係比較可靠!😉

消毒梘液可以殺死病毒? | Does soap need to be antibacterial to kill a virus? |

洗手咁平常簡單嘅事,從未變得如此重要。呢個動作係我哋同COVID-19等冠狀病毒戰鬥嘅第一道防線。同口罩或者疫苗唔同,梘液係我哋大多數人都能負擔得起嘅東西。 一啲醫學界權威嘅機構,例如梅奧診所(Mayo Clinic),表示抗菌番梘同洗手液喺洗走COVID-19嚟講,唔一定比普通梘液更有效。疾病控制中心仲指出,酒精搓手液其實唔能夠有效對抗所有類型嘅細菌。從長遠嚟睇,普通梘液可能對我哋嘅健康更好。   梘液同水點樣打敗細菌   單獨使用水可以清除可見嘅污垢,但係病毒同細菌嘅微觀納米顆粒會卡喺我哋皺紋同指紋嘅縫隙中,呢個時候就要出動到洗手液喇。 所有洗手液(無論係液體,番梘定係泡沫洗水液),都係由“肥皂分子”組成。呢啲分子具有雙重性質:親水同疏水。當引入水中嘅時候,親水部分指向外部以同水結合,而疏水部分會避開水分,同油脂結合,將污垢同細菌捕獲喺稱為膠束嘅微小氣泡中。 COVID-19係一種冠狀病毒,意味住佢會被包裹喺油脂層中。想像一下,肥皂分子嘅拒水部分同佢嘅外層結合,拮穿入去,將病毒放氣。然後,肥皂將漏氣嘅病毒從皮膚中抽離,因此你可以將佢洗走。   用梘液同水獲得最佳結果   當你用洗手液起泡或者用番梘擦洗雙手至少20秒時,拒水部分會滲透到各種類型嘅病毒(包括冠狀病毒)中,而病毒通常有會有一層脂肪膜保護自己。 新西蘭政府嘅COVID-19網站建議使用特殊嘅洗手程序。包括擦洗手腕,手掌同手背,然後將手指交織喺一齊,用指尖搓手掌。令手嘅每個表面都起泡沫就係關鍵所在,泡沫會勾住病毒,然後可以將佢哋用水沖走。水嘅溫度唔太緊要,凍同暖都得。 好消息係,如果呢個方法,任何洗水液或者番梘都可以殺死冠狀病毒。但係如果你發現洗手後手變得乾澀者或過敏,請嘗試使用溫和嘅產品。用專門為敏感性皮膚而設計嘅無香料梘液。   用消毒搓手液同洗手液嘅危險   細菌與病毒完全唔同。標榜“抗菌”同 “消毒”嘅梘液,喺對抗COVID-19呢方面,佢哋其實冇比一般梘液優勝。消毒搓手液要喺酒精含量超過60%(對皮膚非常乾燥)嘅情況下先對病毒有效。而且,喺呢些藥劑中存活嘅任何細菌將來都可能進化到對抗菌產品產生抗藥性。 過量使用含有三氯生等成分嘅“抗菌”產品唔單止對身體具有潛在嘅危險,而且仲可以減少喺我哋皮膚同腸道中嘅益細菌。缺乏腸道菌群(又稱腸道微生物組)會引起好多其他疾病,包括糖尿病,關節炎,自身免疫性疾病以及過敏反應同敏感性增加。   Never before has humble hand washing emerged as such a hero. It’s our first line of defence in our battle against coronaviruses like COVID-19. And unlike masks, eye shields or vaccines, soap is …

消毒梘液可以殺死病毒? | Does soap need to be antibacterial to kill a virus? | Read More »

Harakeke: 紐西蘭天然亞麻嘅滋潤 | Harakeke: NZ’s hydrating native flax

Harakeke係紐西蘭本地亞麻(Phormium tenax)毛利人嘅名。我哋好鍾意呢種本地種植嘅寶藏,所以用佢嚟做洗手同沐浴露中嘅主要成分。 傳統毛利文化中嘅Harakeke Harakeke係紐西蘭最常見嘅亞麻,對毛利人非常重要,每個毛利村莊都有自己嘅種植園。佢哋會種植唔同嘅品種。唔同嘅品種中, 顏色、柔軟度、纖維強度同埋藥用特性都有分別。 但係長長葉子上有一塊清涼透明凝膠,喺傳統毛利人嘅醫學中好珍貴。凝膠可以治愈燒傷、割傷同皮膚感染,又可以食用佢嚟治療腹瀉。 HARAKEKE凝膠天然性質 透明嘅凝膠可以喺Harakeke葉嘅下半部分提取。呢種凝膠超級保濕,含有天然皮膚營養成分同埋稱為「多醣」嘅有益植物糖。 Harakeke嘅輕微澀性非常適合喺唔需要磨擦、刮洗同入侵皮膚嘅情況底下,壓抑暗瘡生長同埋控制多餘嘅油分。 利用強效嘅天然皮膚調理化合物,包括保濕劑D-木糖同平衡pH嘅D-葡萄醣醛酸,Harakeke凝膠可以好似蘆薈一樣冷卻同鎮定皮膚。佢可以自然舒緩同滋潤,同時減少發紅。提取物嘅柔軟特性可通過支持正常嘅細胞更新來改善皮膚外觀。 Harakeke令人感到難以置信嘅地方之一就係因為佢幫助皮膚健康嘅炎症管理,自然促進因為刺激、環境壓力同受外來傷害而受損皮膚嘅恢復進度。 喺身體同個人護理產品中使用HARAKEKE 嘅原因 Harakeke係我們喺ecostore洗手液同沐浴露系列中使用嘅成分,好處有舒緩同保濕。佢雖然可以補充自然水分,但對容易生粉刺嘅皮膚都有好處。佢具有溫和嘅抗菌作用,有助於減少遍布全身嘅斑點細菌。 為咗得到清新、溫同嘅清潔效果,我哋嘅每種pH平衡配方均係由植物成分混合而成,其中包括Harakeke,佢嘅提取物可以喺中紐西蘭北島可以持續咁種植同收穫。如果你身體容易過敏、有哮喘或者敏感皮膚,除咗可以喺天然精油香料產品度選擇,都可以喺我哋嘅防敏感系列中選擇無香料產品。   Harakeke is the Māori name for native New Zealand flax (Phormium tenax). We love this locally grown treasure, which is a key ingredient in our Hand and Body Washes. HARAKEKE IN TRADITIONAL MĀORI CULTURE Harakeke, New Zealand’s most common …

Harakeke: 紐西蘭天然亞麻嘅滋潤 | Harakeke: NZ’s hydrating native flax Read More »

液態黃金:曼努卡蜂蜜喺護膚中嘅好處 | Pure gold: the benefits of Mānuka honey in skincare

呢種液態黃金因為並天然嘅抗菌、抗氧化同抗炎特性而喺全世界廣受歡迎。事實證明,佢可以幫助治愈、清潔同舒緩皮膚,甚至可以擊敗抗藥性細菌。 直接使用曼努卡蜂蜜可以修復、舒緩同滋養乾燥嘅皮膚,仲可以幫助醫治濕疹同皮膚炎。含豐富營養成分、維生素、氨基酸同埋天然保濕分子,難怪曼努卡蜂蜜對我哋內外都咁有益。而曼努卡蜂蜜嘅抗菌特性令佢真正與眾不同。 大多數蜂蜜因為含有氧化氫活性(HPA), 所以都會具有中等嘅抗生素特質。但係曼努卡蜂蜜另外仲含有一種稱為甲基乙二醛(MGO)嘅糖分子,雖然呢種糖分子喺大多數蜂蜜中都可以搵到, 但係喺曼努卡蜂蜜入面,MGO含量可以高達100倍。 新西蘭科學家彼得·莫蘭(Peter Molan MBE)博士發現,即使佢破壞曼努卡蜂蜜嘅HPA,同時將佢暴露於高溫、液體同光照下,曼努卡蜂蜜仍然具有好強嘅抗菌作用。呢個歸因於佢高濃度嘅甲乙二醛(methyglyoxal)。博士同佢嘅團隊仲證明咗曼努卡蜂蜜可以抵抗對一般抗生素具有抗藥性嘅細菌。 曼努卡蜂蜜係由蜜蜂喺一棵樸實無華嘅樹採摘到嘅花蜜,呢種樹嚟自野生偏遠嘅新西蘭鄉村。要最大限度咁增加曼努卡蜂蜜嘅數量,就需要廣泛咁將蜂箱放喺曼努卡樹木周圍嘅位置。 曼努卡蜂蜜同其他花蜜一樣聞起嚟都好香,但濃度又比較高,加上營養豐富,所以非常適合用嚟製成天然身體護理產品。我哋最新嘅薄荷蜂蜜洗手液同茉莉花蜂蜜沐浴露含有100多種MGO。茉莉花同蜂蜜同樣具有保濕性,溫柔呵護肌膚。每次沖洗身體時,薄荷同蜂蜜都煥發活力,而茉莉花同蜂蜜嘅迷人香氣會平靜你嘅感官。 This liquid gold is finding fame worldwide for its natural antimicrobial, antioxidant and anti-inflammatory properties. It’s been proven to help heal, cleanse and soothe skin and even beat antibiotic resistant bacteria. Applied directly, Mānuka Honey is healing, soothing and nourishing for dry, chapped skin and can also …

液態黃金:曼努卡蜂蜜喺護膚中嘅好處 | Pure gold: the benefits of Mānuka honey in skincare Read More »

充分利用我哋嘅洗手液嘅Tips | Tips for getting the most out of our handwash soap.

我哋綜合咗一啲有效使用ecostore洗手液以及點樣避免有害嘅化學品嘅建議。 1.記住,少少嘅分量已經可以足夠用好耐,只需要一兩泵嘅洗手液就可以徹底清潔雙手。 2. 如果噴嘴堵塞,用溫水快速沖洗下,用指甲或者細刷清除噴嘴下面積聚嘅硬塊(牙刷喺呢個情況非常有用)。 3.重複使用個樽總係好過將佢回收再造,呢個亦都係我哋有500ml 5L補充裝嘅原因。 4.基於衛生理由,最好喺倒入新嘅洗手液之前沖洗個泵。只需將泵放入溫水入面,輕輕刷下噴嘴,拎走任何乾咗嘅洗手液,再沖水幾次。 洗手洗走令人討厭嘅化學物 – 定期洗手係良好衛生嘅習慣之一,但如果你曾經感覺到洗手後皮膚有刺痛感覺,可能會對你皮膚造成傷害多於好處。咁係因為某啲洗手產品中用咗化學品,例如月桂醇硫酸鈉(SLES),椰油酰胺丙基甜菜鹼,椰油酰胺DEA / MEA,係已為人知嘅皮膚刺激物,會去除皮膚嘅天然保護油層而導致雙手乾燥。長遠落去會導致更嚴重嘅問題,例如濕疹同皮膚炎。 我哋嘅洗手液含有豐富嘅潤膚精華 – 可以防止皮膚乾燥。我哋嘅洗手液由溫和嘅天然成分製成,例如油酸甘油酯,即係代表你可以每日多次洗手,而唔會洗去皮膚上嘅天然保護油層。皮膚需要修復同再生去保持健康,而呢個過程係需要水分,咁正係潤膚精華大派用場嘅地方。潤膚精華幫助皮膚吸收同保持水分,喺皮膚上提供保護層去密封水分並防止水分蒸發。佢哋仲可以增加皮膚嘅持水能力,並將水吸入皮膚,令手感更加平滑。我哋有4種香味嘅洗手洗:香橙廣藿香,玫瑰天竺葵,椰子香草,檸檬草,仲有無香料嘅防敏配方。 保持泵嘅良好狀態 – 洗手液中一啲植物提取物嘅成分因為暴露喺空氣中往往會變乾同結成硬塊,最終會導致噴嘴堵塞。其中一個主要成分係Guar Gum,佢來自瓜爾豆,係一種天然穩定劑同增稠劑。但我哋認為用瓜爾膠同油酸甘油酯等天然成分去代替化學物係絕對值得。我哋正努力改善呢個情況,與此同時,如果你按照上面嘅建議,咁你應該會冇問題地保持泵嘅運作!   We’ve compiled some advice on using ecostore handwash soap effectively and about how to avoid some nasty chemicals. 1. Remember, a little goes a long way, one or two pump’s worth of soap is all you need for a thorough clean. 2. If …

充分利用我哋嘅洗手液嘅Tips | Tips for getting the most out of our handwash soap. Read More »

ecostore 推出口腔護理系列 | Announcing the launch of our new Oral Care range

我哋好開心宣布推出新嘅口腔護理系列 – 牙膏,漱口水同牙刷。呢個系列嘅產品使用安全同天然成分製造,牙刷亦係由植物塑料製成,確保佢哋對你同環境都更安全。呢個將係新西蘭超市中唯一可以搵到嘅全天然口腔護理系列。 我哋嘅牙膏同漱口水係用木蘭樹皮提取物同卡努卡油製造,幫助減少牙菌斑,防止牙垢積聚,對抗蛀牙,消除導致口氣嘅細菌。天然精油包括薄荷,留蘭香,薄荷醇同丁香葉,係合成香料嘅替代品,提供持久嘅新鮮感。 越來越多嘅消費者對不同類別嘅產品對環境同健康嘅影響感到擔憂。已經有一段時間不停有消費者要求我哋提供更安全嘅口腔護理產品。我哋聽過並用咗天然衍生嘅成分創造咗一系列產品,呢啲成分不含SLS,三氯生,氟化物同對羥基苯甲酸酯。我哋很高興能夠分享我哋一直努力同消費者共同開發嘅成果。 由獨立實驗室對產品進行測試,以證明牙膏同漱口水喺減少口腔中發現嘅四種主要細菌方面嘅有效性,呢啲細菌會導致蛀牙同牙齦有關嘅疾病。牙膏亦都被證明可有效減少牙齒上牙菌斑嘅積聚。   We are so pleased to announce the launch of our new oral care range – toothpaste, mouthwash and toothbrush. The new range uses safer, naturally derived ingredients and the toothbrush is made from plant plastic, ensuring they are safer for you and the world. This will be the …

ecostore 推出口腔護理系列 | Announcing the launch of our new Oral Care range Read More »

我哋嘅玫瑰同天竺葵沐浴露獲獎! | Our Rose & Geranium Body Wash wins!

我哋好高興地宣布,ecostore 玫瑰天竺葵沐浴露被評選為2018年新西蘭 ‘NZ Best in Beauty Awards’ 嘅最佳沐浴露。 NZ Best in Beauty Awards 旨在表揚喺美容界有卓越表現嘅品牌,並且選出消費者喜愛嘅產品。 參與決賽嘅品牌同產品分別由Fashion Quarterly 時尚季刊,Woman’s Day 女性日誌,New Zealand Woman’s Weekly 新西蘭女性周刊,Australian Women’s Weekly 澳洲女性周刊,Simply You 簡約的你, Good Health Choices 健康之選同 NEXT雜誌嘅美容編輯選出。 勝出者隨後被超過250,000名讀者投票選出。 我哋為呢個獎項感到非常自豪,另外 ecostore SKIN系列嘅洗面乳喺嘅’面部護理’類別中亦都晉身決賽。 多謝所有投我哋一票嘅人!   We are so pleased to announce that our Rose & Geranium Body Wash was voted as the Best Body Wash in …

我哋嘅玫瑰同天竺葵沐浴露獲獎! | Our Rose & Geranium Body Wash wins! Read More »

zh_HK香港中文版

Stay in touch