Wearing Winter woollies creates a cosy, hygge feeling of softness, comfort, and warmth. Caring for them correctly will multiply this feeling by helping you get even more wear out of each piece. Washing and storing your knitwear properly will also save you money in the long run, by making it last and keeping it looking …
穿著冬季羊毛衫感覺舒適又溫暖。正確咁照顧佢哋會幫助你令每件衣服嘅磨損少啲，從而享受得耐啲。 長遠嚟睇，適當地清洗同存放針織服裝仲可以幫你慳錢，保持佢哋嘅穿著壽命同埋新嘅外觀。 羊毛、美麗諾羊毛、羊絨 – 有乜嘢分別？ 綿羊毛係不可思議嘅天然纖維。寒冷時溫暖，炎熱時呼吸，吸收水分，即使潮濕時都能夠保持溫暖。佢具有防火、防臭同防污性能。乾時，羊毛可以折疊，捲曲同扭曲，並且仲會彈回原來嘅形狀。如果你好好保鞍佢，佢將為你提供多年嘅忠實服務。 羔羊毛係大約七個月大嘅綿羊第一次剪羊毛嘅羊毛。佢超級柔軟，富有彈性，通常比羊毛貴一點。 美麗諾羊毛具有與羊毛同羔羊毛相同嘅優勢，保暖/ 重量比率更高，並且由於佢纖維尺寸僅為15-25微米，柔軟之餘，對於接觸羊毛會產生肌膚痕癢嘅人嘅刺激性都較小。美麗諾羊皮具有極強嘅抗臭味，非常適合皮膚穿著。 羊毛同羊絨嘅分別在於羊絨係嚟自克什米爾山羊，並唔係由剪毛而嚟。取而代之嘅係從山羊嘅外皮中梳理出嚟嘅非常幼細嘅柔軟纖維。故此，每年羊絨嘅收穫量少，呢啲就係佢咁貴嘅原因之一。羊絨以其耐用性而出名。千祈唔好將羊絨放入洗衣機度，即使係寫明用嚟洗羊毛嘅設定，亦唔好將佢放入乾衣機度。 點樣手洗毛衣？ 洗嘅地方應該要夠大，方便你可以輕鬆咁漂洗或者旋轉衣服。為咗節約用水，請嘗試一次過洗多過一件，以淺色到深色嘅順序進行，因為有啲衫可能會浸出顏色。選擇專為洗針織品而配製嘅溫和液體洗衣劑。確保你有幾條大而厚嘅毛巾去烘乾。 用溫水同溫和嘅羊毛洗衣劑混合。再將羊毛衣服浸入水中，浸泡約5分鐘。 輕輕擠壓令梘水滲透纖維，但唔需要攪動。如果你要洗幾件衣物，就將第一件衣物放到水桶度（擠出梘），然後對下一件衣物重複呢個步驟。 完成清洗後，再用乾淨嘅溫水代替梘水，仔細沖洗每件衣物。 從清水中拎出衣物，並盡可能地擠乾水，而唔好用扭乾嘅方法。 將衣物平放喺毛巾嘅一誘，然後喺毛巾內捲起。輕輕擠壓毛巾。再打開毛巾，將衣物放平，並喺有大量空氣流通嘅地方風乾。 用擠壓方式去水，而唔好擰件衣物。 將佢平放在乾燥嘅毛巾或晾衣架上，避免陽光直射，使其風乾。 提示：當你感覺唔到水溫時，咁嘅水溫就係最合適嘅。就好似測試奶樽溫度一樣。 聽起嚟好似有好多功夫。我可以將佢哋放入洗衣機度嘛？ 有時你可以喺洗衣機度清洗美麗諾羊毛（但要首先檢查衣物標籤，用洗羊毛 ‘Wool & Delicates’ 嘅設定，唔同洗衣機會稍為有唔同嘅設定名稱。如果你部機有溫度選擇功能，就將佢設置為30°C。 （喺某啲機器中，“ 30度”旁邊會有一個羊毛球。） 如果你唔想手洗，亦可以乾洗某啲羊毛同羊絨（但請檢查標籤！）。但係，乾洗過程中除咗會使用有刺激性嘅化學物質外，仲會縮短呢啲天然纖維嘅壽命。 洗羊毛要注意乜嘢 嘗試喺液體中選擇具有中性pH值嘅溫和洗衣劑，因為佢會喺溫水或冷水中更容易被洗走，令手洗嘅物品乾淨而無殘留洗衣劑。洗衣劑仲應該通過AWTA批准嘅Woolmark測試方法。溫和嘅ecostore羊毛及精緻衣物洗衣液非常適合用嚟清洗羊毛同羊絨之類嘅細纖維、花邊同絲綢之類等紡織物，以及黑色服裝同埋嬰兒服裝。 天然嘅尤加利樹同薰衣草係最佳嘅香氣選擇，因為佢哋唔單止令衣物聞起嚟清新，仲有助驅蚊。喺衣櫃裡面放一扎乾嘅尤加利樹葉或薰衣草花都有幫助。 針織衫最好每一季只係洗兩次，咁樣可以保持針織衫嘅形狀同彈性。喺清洗之間，保持良好嘅通風同埋幫佢哋清除毛粒，再檢查有冇食物或其他跡殘留喺纖維中。正確咁清洗針織衣物，佢哋就起碼會靚幾年喇。 洗針織衣物 DOS同 DON’TS： 請使用溫水。 一定要用專洗羊毛同細毛嘅溫和洗衣劑。 千祈唔好用洗衣機中洗小羊絨或羊絨針織品。 唔好將針織品掛喺衣櫃入面 – 針織物應該係比晾乾後再折疊存放。 一定要喺衣櫃中使用防蟲或者捕蟲器–同埋確保針織品喺收存時已經被洗乾淨。飛蛾係好鍾意衣服上嘅食物！真係頭痛喇！
(Switch to English version) Malabar Baby 係一個真實又親切嘅嬰兒/ 兒童床具同睡衣品牌，輕鬆融入現代家庭。每個系列嘅製作過程都好細緻，編織住一個個唔同嘅故事。香港媽媽兼品牌創辦人 Anjali Harjani 表示，佢好自豪，因為佢有機會同世界分享印度豐富嘅文化和手工傳承。Malabar Baby 幾乎係每個香港媽媽嘅嬰兒必備品，不論係佢哋著名嘅有機水彩嬰兒布定係手工製作嘅棉被，每件產品都需要7日去製成！ 我哋好開心採訪到佢，因為佢係一個清洗同保養小朋友嘅衣物嘅專家！ Anjali：我曾經係一個一定要手洗所有 BB衫嘅媽媽。而且我永遠都提前好多去清洗所有嘢，由於我怕啲嘢會積塵，為咗我嘅仔仔 Aryan健康，我於是又將啲嘢重新洗過！經歷過嗰啲重複清洗嘅日子，我學到咗好多嘢，好慶幸能夠搵到 ecostore。 問：可唔可以同我哋分享一啲洗 BB衫嘅心得? 答：我其實唔鍾意手洗BB衣物。我嘅睇法係唔應該將有機織物同有天然染料嘅衣物長時間浸喺有刺激性嘅洗衣液入面。洗咗衫上嘅梘液後，衫仍然會浸住好多水，好多污糟嘢又會粘返喺衣物上面，咁樣實際上會造成皮膚過敏同初生BB嘅皮疹。又有另一個情況係，好多人會倒過多嘅洗衣液，令洗衣液中嘅化學物粘喺你小朋友嘅衣物度。最大件事嘅係，好多手工製品或者柔軟嘅天然棉喺用手粗暴地摩擦時會變質。雖然我唔鍾意手洗衣物，但係我絕對建議所有BB衣物始終要分開洗，唔好同家人其他衣物一齊洗。我最鍾意用嘅洗衣液係 ecostore嘅防敏感洗衣液。 問：你喺屋企用咩產品洗仔仔嘅衫？ 答：我將所有嘢都放入洗衣機度，快洗，但係會確保洗得乾淨，所有細小衣物都會放喺網袋中。任何有拉鍊或裝飾物嘅嘢（例如睡袋）都反轉內而外洗。大約用1樽蓋嘅 ecostore防敏感洗衣液。我真係好鍾意呢款產品，因為佢冇香料和色素，對敏感肌膚超級安全。好多用我哋床上用品同睡衣嘅小朋友都有濕疹同皮膚過敏，所以如果有一款洗衣液同柔順劑係有效之餘又唔會刺激到皮膚，我就一定會極力推介。ecostore防敏感配方喺凍水同暖水入面都一樣洗得咁好，佢嘅去污力都通過咗我嘅測試！ 問：點樣令衣物保持良好狀態？ 答：洗完衫後要立即喺洗衣機度拎返出嚟。呢個係我保持衣物乾淨又唔甩色嘅關鍵。我將好多衣物同床上用品晾乾，或喺有必要時喺乾衣機度輕輕咁吹乾。衣物喺乾衣機度甩出好多棉同毛，其實咁係代表咗衣物破損。對於好多家庭嚟講，乾衣機係最秏電嘅電器之一，通過減少使用量，你可以大大減少碳足跡。我認為好多人仲未意識到，購買可再用產品 (sustainable products) 後，亦都應該要負起保養產品嘅責任，延展產品嘅壽命。日常生活中嘅小事實質上係好重要，我哋點樣洗衫同埋洗幾多次係有分別。當我最近睇到一項統計數據講，我哋平均要用860公升水去洗一條牛仔褲，我感到好驚訝。 問：你點樣睇ecostore產品？你試過邊種產品？你會唔會推薦比其他媽咪呢？ 答：除咗我之前提到嘅洗衣液之外，我仲非常鍾意 ecostore BB按摩油。嬰兒按摩喺好多國家同文化中都係非常重要，尤其係我哋印度傳統，我由BB出生開始就同佢按摩。呢種油非常溫和，用植物成分製造，保濕作用一流。我亦都發現原來媽媽都可以一齊用！非礦物油對減退妊娠紋有好好嘅效果。呢款產品加入自然嘅薰衣草香味，喺BB過咗嬰兒期之後都可以繼續用。 而家我個仔大咗啲，佢好鍾意喺浴缸度玩水，佢最開心就係浸泡泡浴。我哋推介ecostore嘅 Kids Bubble Maker。質感真係好輕身，聞起嚟好香，又會出好多泡！我好放心比佢用呢款產品。因為我最驚嘅就係佢浸喺有化學物質踲水度，然後導致佢之後會出疹。 （圖片來源：@ the.reynolds.family）
(閱讀中文版本) Malabar Baby is an authentic and relatable lifestyle brand that integrates easily into today’s modern family. Every collection is slowly made and has a personal story weaved through and through. Hong Kong Mom and Founder, Anjali Harjani says, she feels “passionate and proud to have an opportunity to share India’s rich culture and …
Interview with Malabar Baby founder, Anjali Harjani Read More »
1. 最喜愛嘅 ecostore產品係 ? 我幾乎鍾意所有嬰兒同兒童產品！特別係皮膚同沖涼產品。我有一個幾歲嘅小朋友同埋一個初生BB，所以要非常注意佢哋接觸嘅化學物質。我哋身體通過皮膚吸收好多嘢，所以我淨係想我嘅小朋友使用最純潔、最安全嘅產品。 2. 點解鍾意用 ecostore 呢個品牌? 好多原因。我自己本身皮膚非常敏感，所以真係唔係任何產品都適合我用。ecostore 個人護理同清潔產品嘅清潔成分安全，加上功效一流。我另外特別鍾意樽嘅設計同包裝。我一向都盡量減少一次性塑膠嘅消耗，有時亦都唔太肯定塑膠係唔係真正被回收再造。所以，當知道 ecostore 嘅樽係用甘蔗製造，我真係好開心。 3. 你嘅小朋友用緊我哋嘅咩產品? 三歲嘅哥哥，最愛佢嘅兒童牙膏（我都係）。佢仲每晚都要求喺佢沖涼時加入 ecostore泡泡 (兒童泡泡浴)！ 4. 用ecostore產品時有冇得意嘅經歷想大家分享？ 我對漂白劑等化學物質非常敏感，如果我離漂白劑唔到一米，我就會即刻咳。 ecostore多功能清潔噴霧對清除油脂完全有效，對我同小朋友一樣咁安全。 5. 你點樣將ecostore產品加入你日常健康護理嘅程序度? 我哋所有個人護理產品都轉晒用 ecostore – 例如洗手液同牙膏，而且我都開始改用番梘沖涼。我真係希望我住喺其中一個 refill 站附近，但幸運地，透過網上商店，ecostore 可以將產品（由其係大 size) 直接送到你屋企！ 想同大家分享你嘅ecostore 故事? 電郵比我哋啦。 1. Which is your favorite ecostore product? I love pretty much everything from the children’s range! Especially the …
ecostore 媽媽之星 – Ziggy | Mums of ecostore – Ziggy Read More »
洗手咁平常簡單嘅事，從未變得如此重要。呢個動作係我哋同COVID-19等冠狀病毒戰鬥嘅第一道防線。同口罩或者疫苗唔同，梘液係我哋大多數人都能負擔得起嘅東西。 一啲醫學界權威嘅機構，例如梅奧診所（Mayo Clinic），表示抗菌番梘同洗手液喺洗走COVID-19嚟講，唔一定比普通梘液更有效。疾病控制中心仲指出，酒精搓手液其實唔能夠有效對抗所有類型嘅細菌。從長遠嚟睇，普通梘液可能對我哋嘅健康更好。 梘液同水點樣打敗細菌 單獨使用水可以清除可見嘅污垢，但係病毒同細菌嘅微觀納米顆粒會卡喺我哋皺紋同指紋嘅縫隙中，呢個時候就要出動到洗手液喇。 所有洗手液（無論係液體，番梘定係泡沫洗水液），都係由“肥皂分子”組成。呢啲分子具有雙重性質：親水同疏水。當引入水中嘅時候，親水部分指向外部以同水結合，而疏水部分會避開水分，同油脂結合，將污垢同細菌捕獲喺稱為膠束嘅微小氣泡中。 COVID-19係一種冠狀病毒，意味住佢會被包裹喺油脂層中。想像一下，肥皂分子嘅拒水部分同佢嘅外層結合，拮穿入去，將病毒放氣。然後，肥皂將漏氣嘅病毒從皮膚中抽離，因此你可以將佢洗走。 用梘液同水獲得最佳結果 當你用洗手液起泡或者用番梘擦洗雙手至少20秒時，拒水部分會滲透到各種類型嘅病毒（包括冠狀病毒）中，而病毒通常有會有一層脂肪膜保護自己。 新西蘭政府嘅COVID-19網站建議使用特殊嘅洗手程序。包括擦洗手腕，手掌同手背，然後將手指交織喺一齊，用指尖搓手掌。令手嘅每個表面都起泡沫就係關鍵所在，泡沫會勾住病毒，然後可以將佢哋用水沖走。水嘅溫度唔太緊要，凍同暖都得。 好消息係，如果呢個方法，任何洗水液或者番梘都可以殺死冠狀病毒。但係如果你發現洗手後手變得乾澀者或過敏，請嘗試使用溫和嘅產品。用專門為敏感性皮膚而設計嘅無香料梘液。 用消毒搓手液同洗手液嘅危險 細菌與病毒完全唔同。標榜“抗菌”同 “消毒”嘅梘液，喺對抗COVID-19呢方面，佢哋其實冇比一般梘液優勝。消毒搓手液要喺酒精含量超過60％（對皮膚非常乾燥）嘅情況下先對病毒有效。而且，喺呢些藥劑中存活嘅任何細菌將來都可能進化到對抗菌產品產生抗藥性。 過量使用含有三氯生等成分嘅“抗菌”產品唔單止對身體具有潛在嘅危險，而且仲可以減少喺我哋皮膚同腸道中嘅益細菌。缺乏腸道菌群（又稱腸道微生物組）會引起好多其他疾病，包括糖尿病，關節炎，自身免疫性疾病以及過敏反應同敏感性增加。 Never before has humble hand washing emerged as such a hero. It’s our first line of defence in our battle against coronaviruses like COVID-19. And unlike masks, eye shields or vaccines, soap is …
消毒梘液可以殺死病毒? | Does soap need to be antibacterial to kill a virus? | Read More »
隨住好多公司實行 Working from home (WFH)，我哋整個生活都變得唔再一樣。你可能係第一次喺屋企做嘢。ecostore 作為一個團隊，一直學習同實踐一啲保持健康嘅方法，幫助你喺照顧事業嘅同時亦照顧好自己。 設定規律 WFH 時要記住最重要嘅事係將工作同家庭分開。當你唔需要返公司時，工作嘅時間好容易用咗喺做屋企嘢上面，又或者掉轉頭用休息嘅時間去工作。 設定時間準時起身，嘗試保持有規律嘅睡眠時間表，起身嘅時候就好似平時返工一樣做好準備。 嘗試建立一個工作空間。除非你冇地方可以去，否則避免喺睡房同床做嘢。 由於你可能同另一半、室友、小朋友或者父母一齊住，因此搵到一個工作空間非常重要，以免被打擾。如果你有多餘嘅房，將佢變成工作窒，不妨喺房門上掛上 “請勿打擾” 標誌，以免工作時被滋擾。 好似喺公司一樣，比自己一個 lunch break。最好就係同平時放 lunch嘅時間一樣。 （唔好忘記手頭上準備一啲健康嘅零食呀!） 喺一日結束嘅時候熄咗個電腦，咁樣你就唔會心思思又想做嘢喇。 注意坐姿 如果你只係喺屋企做嘢一個月左右，咁可能唔需要專登買 home office 嘅傢俱。但係你都可以盡量令WFH工作區舒適又有足夠嘅支持。 盡量避免長時間喺梳化、地下或床度工作。 使用外接滑鼠同鍵盤，另外，你應該抬高部 laptop電腦，眉毛應該同屏幕頂部大致齊平。 確保你嘅檯（或者餐桌）嘅高度合適。打字時，前臂應該略略微向下傾斜。 如果你覺得將來都有機會再WFH，咁就值得投資去買張可以調節高度嘅凳。 當然係要經常坐直，呢個係同舒適冇關，但係會幫你保持工作嘅動力。 照顧健康 WFH 時，都要好好照顧自己。購買健康嘅零食，喺床頭櫃上擺啲書或者雜誌，或者喺一日結束時沖個熱水涼。 充分休息：適應WFH可能會使你嘅睡眠質素變得奇怪。喺屋企工作時，堅持好似平時咁起身同訓覺係保健嘅關鍵。 如果你今天冇 video call，點解唔敷個 mask或者幫頭髮焗個油呢？ 做運動，伸展筋骨，即使只係10-15分鐘。唔單止可以令你感覺良好，仲可以提高精力同效率。做啲瑜伽、快步行去或者踩個單車，或者喺小朋友唔喺身邊嘅時候，快速咁上下跳。 心態調整 做以下幾樣嘢可以令到隔離嘅時間更加易過。請記住，最難捱嘅時間係會過去嘅。 混亂嘅工作空間會分散注意力，增加壓力水平。你可能冇時間執房，但盡量保持工作區周圍整潔，咁樣就唔使成日對住一大堆雜物喇。 寫一個 to-do list，可以防止你分心或者忽然間唔知做乜。將 to-do list 上一項項嘅工作刪去係一個好好嘅感覺！ 將多出嚟嘅時間（因為我哋而家唔駛搭車返工放工），用嚟冥想或者諗正面嘅想法。安靜咁坐低，專注呼吸幾分鐘。 每日花幾分鐘時間打電話比其他人傾下計，保持同外界嘅溝通。或者分享下得意嘅 video。 嘗試限制你喺社交媒體上嘅時間，尤其係當你注意到社交媒體嘅資訊令你感到焦慮或者緊張時。 保持感恩嘅心。同你圈子入面嘅人傾下值得你感恩嘅事，或者喺訓覺前寫低。 …
在家工作保持健康 | Staying well while you stay at home | Read More »
目前香港係冇處理塑料回收嘅工廠，所以有啲塑料會運到其他國家進行回收。公共收集點存在唔少漏洞，譬如污糟咗嘅塑料係唔可以被循環再造, 咁樣以致其他喺箱度嘅塑料都會一齊被丟到堆填區。所以 ecostore 選擇將自己的空樽運返新西蘭。 即使係通過緩慢嘅平郵，當然都會留低碳足跡。但係我哋亦致力用其他方式去減少返。例如，我哋嘅樽係由甘蔗製成，甘蔗是一種可持續同可再生嘅來源，可以喺大氣層中消除碳！ 同其他用石油化學品製成嘅塑料非常唔同。當我哋香港嘅客人將 ecostore樽送返給我哋時，我哋會確保佢哋處於乾淨同乾爽嘅狀態，然後再將佢哋運返紐西蘭。當佢哋到達紐西蘭倉庫之後, 新嘅旅程就開始喇。竹蔗膠樽會被磨成碎塊, 再清洗, 然後被溶成形狀大小一樣嘅膠板。最後就係溝入新嘅竹蔗塑膠去造成新樽, 開展新生命! 咁意味住我哋亦都減少咗對新甘蔗塑料嘅使用。 喺重複使用現有材料時，我哋對產品嘅整個生命週期承擔更大嘅責任。雖然品牌認為呢個係目前最好嘅解決方案，但我哋會繼續尋找可以改進同更具可持續發展性嘅地方。ecostore 致力對保護世界環境負責任。透過研發竹蔗塑膠同埋將佢哋回收再造, 成功創造咗一個循環經濟! Currently, there is no plastic recycling processing available in Hong Kong and material is shipped to other countries for recycling. Collection at public collection points is problematic due to contamination with soiled plastic which means the collected plastic goes …
ecostore 竹蔗膠樽得到新生命! | A second life for ecostore sugar plastic bottles | Read More »
我哋傾向認為空氣污染係外部發生嘅問題，車輛、工廠同火災會產生煙霧同陰霾。但係由於甲醛、阻燃劑以及常規清潔產品使用嘅香料揮發出化學物質，我哋屋內嘅空氣實際上可能對我哋嘅健康有害。一啲污染物亦會潛入新床墊，新漆層或者地毯度。室內空氣污染對哮喘、化學過敏症甚至癌症都有關。好多污染物嘅化學濃度可能遠高於室外水平。由於新建築物嘅氣密性越來越高，因此空中刺激物冇辦法逃離，呢個已經成為一個日益嚴重嘅問題。今時今日, 我哋亦都喺室內花更多嘅時間。室內空氣污染有多種原因。好多新產品會釋放出廢氣化學物品。你仲會喺混合物中搵到塵蟎、黴菌同寵物皮屑。小朋友、患有哮喘同濕疹嘅人，以及老人家或免疫力低嘅人士通常對室內污染物最敏感，其餘嘅我哋可能直到幾年後先知道自己身體受到影響。 考慮到以上種種，我哋已經整理咗六種簡單嘅方法來清除家中嘅空氣。 將地板打掃乾淨 使用帶有HEPA過濾器嘅吸塵器。強大嘅吸塵器同旋轉刷，可以減少塵蟎、花粉同寵物皮屑 – 並確保唔會通過廢氣釋放。你還可以減少其他毒素，例如溴化阻燃劑（PBDEs）。要特別注意人流量大嘅區域，包括牆壁、家具同室內裝飾。為咗得到最佳效果，每星期吸塵兩次並定期清潔或更換過濾器。用地拖把執起吸塵留低嘅灰塵。喺一桶暖水入面加入少量濃縮嘅植物清潔劑，用佢再擦下面，將清除掉真空中殘留嘅東西。化學物質會黏上你同你嘅寵物同客人。通過喺每個門上放置大嘅門墊，即使你（或寵物）冇刻意擦腳，你都可以減少進入房屋嘅灰塵同其他污染物。更好嘅係，請客人進入室內時除鞋。將拖鞋放喺門附近係個好主意 – 返屋企時就即刻著上去。對於疲倦嘅雙腳係值得開心嘅事。 令你嘅屋企成為無煙區 香煙中包含4000多種化學物質，呢個係造成室內空氣污染嘅重大原因。研究表明，二手煙會增加兒童發展呼吸道同耳朵感染、哮喘、癌症同嬰兒猝死綜合症（SIDS）嘅風險。請確保唔要喺屋內吸煙。如果你唔選擇戒煙，為咗你嘅家人，請嘗試只喺室外吸煙。 保持相當嘅濕度 儘管香港空氣潮濕，但如果可以嘅話，請令你嘅屋企保持乾燥。通過使用抽濕器機同冷氣，保持30％-50％嘅濕度有助於控制塵蟎同黴菌。冷氣仲可以減少室內花粉嘅數量，呢個對季節性花粉症患者有好處。 幸運嘅係，有好多簡單嘅方法可以減少屋企裡嘅水分。喺煮飯，沖涼或操作洗碗機時打開窗或者使用抽氣機。修復洩漏嘅水喉，以防止發霉。 如果可以，請定時清空抽濕機嘅滴水盤。唔好淋太多水落盆栽植物到 – 除咗可能殺死佢哋之外，仲會向空氣中引入更多嘅水分。 令你嘅屋企變溫室: 好似空氣淨化器一樣，室內植物嘅根同葉都被證明可以進行光合作用同吸收化學污染物。除此之外，悉尼科技大學發現室內植物可以顯著改善情緒，並減少焦慮、疲勞、憤怒同沮喪。 回想一下科學課，喺光合作用期間，植物吸收二氧化碳並釋放氧氣。某啲植物 – 包括多肉植物、蘭花、鳳梨科同蛇類植物 – 相反地會喺夜間釋放氧氣，佢哋就成為你睡房嘅最佳伴侶。植物仲會釋放出植物化學物質，為引起過敏嘅黴菌同細菌創造咗不利嘅生長環境。 虎尾蘭（蛇類植物）同巴西木從空氣中吸取咗諸如三氯乙烯同甲醛之類。 蘆薈喺晚上釋放氧氣並清除二氧化碳，非常適合臥室同其他光線較暗嘅房間。 龍血樹從空氣中吸入二甲苯，三氯乙烯同甲苯（已添加到汽油同洗甲水中嘅溶劑）。 榕樹係一款出色嘅全方位空氣淨化器。 非洲菊為房間增添咗色彩，並從空氣中清除各種化學物質，例如甲醛同苯。 白鹤芋巧妙地去除咗多種醇同化學蒸氣，包括丙酮，苯，氨，甲醛同二甲苯，並且確實能夠有效去除多種毒素。 根據美國國家航空航天局（NASA）嘅研究，吊蘭可以喺密封室內去除96％嘅一氧化碳同99％嘅二氧化氮。 提示：如果你有寵物或年幼嘅孩子，請確保盆栽植物冇毒性。 減少對香水嘅依賴 好多合成香料係從石油中提取嘅，並向空氣中散發出潛喺嘅有害化學物質。呢啲包括傳統嘅洗衣液、衣物柔順劑同空氣清新劑 – 標籤上唔一定會列出各種香精成分。我哋可以測試香水對皮膚嘅刺激性，但係唔能夠測試到喺吸入後對健康嘅影響。香料中常用嘅化學物質，例如鄰苯二甲酸二乙酯，苯同醛，都係已知嘅致癌物。例如，已證明鄰苯二甲酸鹽會破壞動物體內嘅激素。好消息係，你可以輕鬆地避免使用呢啲化學物質。 尋找列出香水成分嘅品牌。 尋找不含香料嘅產品（針對過敏症患者），或用天然精油嘅香料。 使用少啲清潔產品。 避免使用氣溶膠產品：包括噴髮膠、除臭劑、空氣清新劑、地毯清潔劑等。 時常打開窗，防止屋內積聚有毒化學物質。如果屋企中有人對花粉過敏，請使用過濾式空調系統。 追求簡單自然 香水可能會導致過敏嘅人士敏感，引起頭暈、頭痛同噁心等反應。留意坊間上只有某些品牌（包括ecostore）會公開其清潔產品中嘅所有成分。我哋喺大多數產品中都使用由柑橘、尤加利、薰衣草同廣藿香等植物中提取嘅精油，比石油化工合成香料更安全，亦係可持續發展嘅替代品。但係呢啲仍然會引起一些敏感人士嘅反應。因此，我哋喺標籤上寫咗產品中嘅任何潛在過敏原，並建議，如果你喺屋企使用嘅任何產品之後身體出現反應，請立即停止使用。如果你屋企有人甚至對天然香料都敏感，請考慮使用我哋無香料系列進行清潔同個人護理。 We tend to think that air pollution is something that happens …
6個可以令室內空氣更加清新嘅步驟 | 6 steps to better indoor air quality Read More »
唔好喺聖誕節前最後幾日被壓力同 to-do list 所吞噬。退一步，繼續保持簡單快樂。以下呢啲實用技巧將會幫助你減少花費，減輕壓力並同你所愛嘅人一齊享受更多嘅時間。 少即是多 大家通常會喺每年呢個時候忙碌於社交活動，但今年就因為疫情關係而變得唔同一樣。為咗安全起健，不妨將一啲活動推遲到農曆新年之後。你嘅朋友可能會喺心底裡默默感謝你！ 待辦事項 唔需要自己做晒所有嘢。分派一啲工作，令屋企人分擔工作量：可能係意味住整食物、洗碗，甚至係揀選節日音樂加入去Spotify playlist。 重複使用 考慮發送電子卡或名信片，而唔係聖誕卡，因為佢哋相對較平。你可以回收舊年嘅聖誕卡嘅封面作為明信片，亦都可能會節省你寫嘅時間。 綠色力量 如果你有一棵真正嘅聖誕樹，請比佢飲大量嘅水令佢可以生存到新年！尤其係當你第一次將佢帶返屋企時。確保切割端長期喺水中，否則佢會“密封”自己，停止吸水並開始下垂。 自家製作 疫情之下，由於娛樂場所都關閉，好多人都會選擇去行山。行山時，可以留意並且搜集大自然嘅材料：用香草、樹葉同花製成花環。將絲帶綁上枯乾嘅樹枝上，再加入薰衣草或者茴香花以增加香味同色彩。 極簡主義 你可以減少購買、贈送同接收禮物嘅數量嘛？玩 Secret Santa 時，每個人只係送同收一份禮物。可以慳錢、慳時間同減少購物時嘅壓力。或者今個聖誕，我哋未必可以一齊出去玩，但係可以購買電子禮劵做禮物，環保之餘，又確保朋友會用嚟買自己嘅心頭好，唔駛怕唔知買乜好又或者買咗對方唔鍾意嘅嘢。 包起來 除咗重複使用包裝紙外，好多唔同物料都可以用嚟做包裝，睇下屋企入面有咩可以用？例如雜誌、產品包裝、甚至係環保袋作為替代品。 甜甜蜜蜜 朱古力係一種超級簡單嘅甜蜜禮物。亦可以自己 D.I.Y.! 只需要融化黑朱古力同白朱古力，然後倒薄薄一層喺托盤上。撒上切碎嘅堅果、枸杞、椰子碎、蕎麥粉或者甘蔗片。雪凍，包喺烘焙紙入面並用細繩捆紮，或者裝入去一個重新使用嘅乾淨罐或樽中，再添加一條絲帶。 餘下的愛 日日大魚大肉？Boxing Day早餐可以輕鬆有趣！用食剩嘅麵包同剩得嘅蛋酒同埋少少肉桂製成法式多士。用火雞肉、火腿或者三文魚整沙律、三文治同埋煎蛋餅。 節日之後 用紙箱保護同存放小型精緻嘅聖誕節裝飾品，留返出年再用。用衣架掛住聖誕燈會阻止佢哋糾結。 Don’t let the last few days before Christmas get eaten up with stress and an overflowing to-do list. Keep it merry, bright, and …
English (New Zealand) 
香港中文